| مبارک قاضی | فوٹو : ریگزار |
مسافر
مبارک قاضی
راہءَ نزانت درد چِہ رنگیں مسافرے
ہر منزل اِنت روان وتی کِشکءِ پولگءَ
باریں کجا رسیت اے زمانگ من جیڑگاں
نہ ارسے نہ ترونگلے
دیگر کُجام رولہہءِ دَنزاں کِمار کنت
پاداں شمشتگ اَنت وتی بزبانی ایں سواس
لِڈءِ رَمگ مروچاں چو سُہرءَ کساس بیت
اے لیب باتنءِ جگرءَ آسیاب کنت
زردءَ کباب کنت
وہدءَ شمشت اہدءِ کدیمیں مسافرے
گَمنامیں شاعرے
دیگر مُدام راہگوزی مُرگاں سوال کنت
قاضیؔ کُجا شتگ
من چے گُشاں بُگش
***
Post a Comment