مبارک قاضی | فوٹو : ریگزار
دستونک
مبارک قاضی
ما بلوچ فرزندیں مئے دیار بولان اِنت
کنگریں شہیدانی سرڈگار بولان اِنت
اشیءِ بُلندیں ٹُل داں کیامتءَ چست اِنت
راجدپتر ءِ تاکاں یاتگار بولان انت
پہ وتی وطن مات ءَ آسراتی ءِ جنگ ءَ
ہرکسی تہا است اِنت سرمچار بولان اِنت
اے قلندریں کوہءَ کسی ہاترے پِر نیست
سرجمیں میاراں چہ بے میار بولان اِنت
زندگیں بلوچستان گوں بہادریں بچّاں
جوریں وش نیتکاں پہ آسگوار بولان اِنت
دور نہ اِنت وطن قاضیؔ دژمناں چہ آجو بیت
اے ہبر کئےءَ گُشتگ بے توار بولان اِنت
٭٭٭
Post a Comment