جارج جیکسن ءِ نمدی | توکلی بلوچ

جارج کیسن کتاب | فوٹو ریگزار

جارج جیکسن ءِ نمدی

توکلی بلوچ

: دلگوش

(1960)نوزدہ سد ءُ شست

 ءَ 18 سالی جارج جیکسن ءِ سرا اے بهتام جنگ بوت کہ آئی لاس اینجلس ءَ یک گیس سٹیشن ے ءَ چہ ہپتاد ڈالر دزّی کتگ. آئی ءِ بیگناہی ءِ شون سرجم است اتنت بلے انچوکہ آئی سرا پیسرا چہ دو کسانیں هتا آنی دپتر است بنت پمشکہ آئی را گشگ بیت کہ آ بہ منّیت گڈا آئی را یک گونڈیں سِزاے دیگ بیت ءُ پدا یل کنگ بیت. جارج جیکسن ہمے وڈ کنت بلے آئی ءِ سِزا سال ءُ سال ءَ چہ پد داں اُمرے ءِ بندیگی ءَ روت. جیکسن ءَ آوکیں 10 سال سولیڑیڑ بندیگ جاه ءَ گوزینتنت کہ 7 سال تہنائی ءِ بوتگ انت. آئی بازیں نمدی ے نبشتہ کتگ. اے نمدی آئی 1964 ءَ بگر داں 1970 ءِ میان ءَ نبشتہ کتگ انت. اے نمدیانی یک کتابے اوں است کہ پدا شاه محمد مری ءَ اردو ءَ رجانک کتگ۔(ت،ب)

/25

 فروری

 1965

!....دوستیں مات

تئی نمدی نزاناں کجام سوْبانی بنیاد ءَ منا دیر ءَ رستگ. هیا تئی جان سلامت انت؟. منی هیال ءَ ترا آرام کنگ لوٹیت. تئی بدحواسی پہمگ بیت. منا اے سال ءَ آجو بوهگی انت. من آیانی سرجمیں لوٹ پیلو کتگ انت ، وانگ جاه ءَ شُتگ اوں ءُ منی روِش شر بوتگ. بورڈ ءِ آهوکیں مجلس ءَ منا پیش کنگ بیت. تو نوں "اڈلٹ اتهارٹی" ءَ نمدی نبشتہ کنگ بندات کت کنئے ، گیشتر چہ گیشتر. تو زانئے کہ ترا چے گشگی انت. ہمے کہ من آ وهد ءَ کسان بوتگ انت ءُ ہمے کہ تو منی کردار ءِ تہا یک مزنیں بدلی ءِ گندئے. ءُ ہمے کہ تو منا اے وڈ دارگ ءِ واست ءَ کمک کنئے۔

من رابرٹ( جیکسن ءِ پت) ءَ جُپتے سواس ءِ گُشتگ ات ، تو جست کن کہ آ دیم دنت یا نا. آیانی نہاد 25 ڈالر ءَ برز مبیت. من آجوبوهگ ءَ پیسر وتی پادانی ٹپ ءُ تراولاں چے آجو بوهگ لوٹیں۔

منا وشّی انت کہ تو یک ناچی(ڈانسر) ے نئے ءُ نا یک گُشندئے. تو ہمے لیکہ ءِ منّوگر بئے کہ ما هچ کار ءِ مردم نئیں ابیدئے وتی واهندانی هزمت ءُ آیانی دل ءِ وش کنگ ءَ. مئے پت ءُ پیروکانی چاگرد ءِ تہا ءُ مرچیگیں مہزبیں دگنیا ءَ جنین وتی مردانی تابع داری ءُ وپا کنگ ءَ وتی زمہ واری لیک انت. زندگی ائرا پہ زانت پراہاں آسان جوڈ کتگ۔

 ہمے واست ءَ کہ آیانی فطرت ہمے ڈول انت ءُ آ اے چیز ءَ وش نیئنت. وهدے سیاه فام تُلُبانی جنین چہ مرداں گیشتر بنت تہ مرد وتی سگّ ءِ هساب ءَ گیشتر چہ گیشتر جنین گیپت ءُ درستانی هیال ءَ یک هساب داریت....پش کپتگیناں پہ هراب کاری ءِ واست ءَ یل کنگ بنت۔

 مہزبیں چاگرداں جنین سُبکیں(آسانیں) کار کن انت. چُک پیداک کن انت ءُ انسان ءِ وجود ءِ مکسد ءَ برابر کن انت. اے چاگرداں جنین گؤنڈوانی تربیت ءَ گوں وشّی کن انت. آیانی کار گؤنڈواناں اچ بندات ءَ مرد یا جنین بوهگ ءِ زانت ءَ دیگ انت نا کہ نفسیاتی ناجوڈ جوڈ کنگ۔

 اے یک سکیں مزنیں کارے ، پدریچ ءَ دیم ءَ برگ ءُ تربیت دیگ. هیا اے مزنیں کارے نئے؟. پش کپتگیں کار پہ مردیناں یل کنگ بنت. حکومت ءِ کار ورگ ءُ وردن ءِ رسینگ، حفاظت ءُ جان ءُ مال ءِ رکّینگ انت چہ ہما مردماں کہ آ مردم چراہاں اے چاگرد ءَ محروم کنگ ءِ جہد ءَ کن انت. ہمے پئیم کہ بربراں کتگ یا مرچیگ ءَ داں کنگ ءِ جہد ءَ انت۔

"آزاد بوتگیں جنین" والا انگریزانی لیکہ ردیں لیکہے. مات... ما چو آیانی پئیم ءَ وتی میان ءَ مقابلہ کنگ ءِ جہد نکن انت. زندگی سک کسان انت۔

مارا آئی شرتریں نرتیبے اڈ دیگی انت ءُ ما باز عقلمند انت. تئی هیال ءَ انگریزاں کیا اے نبشتہ کنگ ءِ سِکین داتگ کہ " زندگی یک نازانتے ءِ اِشکناہینتگیں کسّہ انت کہ آئی تہا زہر ءُ سُکون مان. ءُ آئی هچ ارزشت نیست۔

ہما نازانت ءُ مایوس انت۔

٭٭٭