 |
| ملا واحد نوری | فوٹو ریگزار |
دستونک
مُلاّ واحد نوری
بہشت ءِ زَاپرانیں کوش کشّیت دنت نَپس درچکاں
اے دِلواہی دگہ رنگےءَ سازان اِنت کبس درچکاں
وفا ءِ ناز بوہاں بَر دگہ ہنکینے ءَ کِش گوں
نہ دَنتیں مَرچاں تاسے آپ منی پیژگاہءِ کس درچکاں
دل ءِ شہکور ءَ مٹّینتگ وتی پُوشاک ہوشام ءِ
دَمانے گورتگ اَت ہؤرءَ گوں مُوراں کُت ہَوس درچکاں
اِدا آساپ چکاس اِنت بئے بے سوب سمین ءِ پُلّ
ہمے پیما بَرانی مُزّ رستگ حاک ءُ جَس درچکاں
کننت گوں موسم ءَ واتر دو شش ماہ ءِ سرا مُلاّؔ
نہ بنت بیگواہ پمشکہ مُرگ منی بازارءِ ڈَس درچکاں
٭٭٭
Post a Comment