 |
| رفیق عاجز | فوٹو ریگزار |
دستونک
رفیق عاجزؔ
سنج، مہکان، پُلّ چے دلبر بہ بیت
چے تئی زیبائی ءِ درور بہ بیت
مئے ودار ءِ عُمر اینچو بیت کدی
آ دو گامءَ مئیتءُ پمّا سر بہ بیت
ستکءِ وِرداں گوں وفا زُوریت رُدوم
مئے ہمک گپّ اُوں ترا باور بہ بیت
روچے بلکیں راز مَرگءِ پاشک بیت
روچے بلکیں زِند بے آسر بہ بیت
سوب رہشون ءِ ہمینچو گیش بنت
راج ہمینچو گیش دَر پہ دَر بہ بیت
روچ وَت توسان بیت برانزاں وتی
پہ مناں ساہگ تئی مہپر بہ بیت
اے وڈیں مانیت دگہ ڈیھ یے کُجا
ماں ہمک سنگءِ تہا گوہر بہ بیت
آ منا گوں من دُچار گیجت، اگں
مئے شہاز ءَ چہ منا پیسر بہ بیت
***
Post a Comment