گوات ءَ درسازکُتنت نَچّ اِتءُ آسءَ کُٹّ اِت (دستونک) | امیر دوست

 

امیر دوست | فوٹو ریگزار

دستونک 

امیر دوست

گوات ءَ  در ساز  کُتنت نَچّ اِت ءُ  آسءَ  کُٹّ اِت

اَچ  وتا   ڈَنّ   دَراتکاں   مں   تماشا   کُٹّ   اِت

ماکہ دُور داشت وتا شاندے  چُو شاگ ءَ  لُڈّاِت

ماکہ   نزیک  ءَ  شُتیں  دنز  بُو  دَریا   کُٹّ  اِت

رَنگ ءِ  جُوہار ءَ  تئی ساہگ ءِ  آتراپ  مَلّ اِت

تُو داں عُمرےءَ نہ کت بُست چہ واب ءَ کُٹّ اِت

ماتےءَ درائیں شپ ءَ لُڈّاِت ءُ  نازینک  گوپتنت

رُست  چراگے  نہ اُمیت بُرت گم ءِ ہارءَ  کُٹّ اِت

جَمبّراں گورت رگامے، نہ  تو  زہرے  راہ دات

تُنّ ءِ  بستار ءَ  جتَنت  زُور  وتی  رَندا  کُٹّ  اِت

رُستہ   بیوانکی ءِ شَندے  ماں  جہان ءِ  دمکاں 

نُوں  وتی  اُرداں  بِچن   نیست   ندارا   کُٹّ  اِت

من  امیرؔ   گریتگیں   چَمّے  ءِ  تہا   بَست   کُدو

مُرگاں  آمین  ے  چِتءُ  مان  کُو  کپاتءَ کُٹّ اِت

٭٭٭