 |
| منیر مومن | فوٹو ریگزار |
دستونک
مُنیر مومن
کوہ ءُ گیاباں دَمک ءُ دَریا روشنا
تو چراگے ئے تئی دُنیا روشنا
سمبہنت بندیں دریگانی نصیب
چمّ سلامت ہر تماشا روشنا
بیا زِمستان پوشگءَ اِنت میتگءَ
بیا منارا آس پیڑا روشنا
مُرتگیں مَردانی اَرماناں کُتنت
رُتکگیں قبرانی ڈیوا روشنا
یل نہ داتگ من تئی نام ءِ گِرگ
گواتءَ کُرتگ ہر چڑکاّ روشنا
سُہب بوسیت شنگیں ملگوراں تئی
شپ چدا رَپتگ نُوں پادا روشنا
پیسرا من پتّو بال اِت دل وتی
بوتگنت اِستال رَندا روشنا
تو کہ جُنزئے جُنزاَنت ماہءُ روچ ہم
تئی مسافر کوش ءِ ہر تا روشنا
درپش ئے تو وابانی ہنکینءَ وتی
من وتی کولانی دیما روشنا
ہر کُجا چاراں منیرؔ گِنداں وتا
مہر تئی آدینک ءِ پئیم ءَ روشنا
٭٭٭
Post a Comment