" دستونک "
واب دیستگ زندگی مانا کج اِنت
آپ ءُ دانا ما پکیران ءَ کج انت
یک کدامے موکویے ماری پدے
شپچراگے بالویے بان ءَ کج انت
سیمکءَ نتھاءِ پاگ اِنت ماں گْورءَ
جَهل گندیت کوہ ماران ءَ کج انت
من ھمے واستہ چو برپ ءَ بستگاں
ھونءِ ترمپے تپتگیں جانءَ کج انت
آدمی سنگ ءَ پہ زرءَ ماس کنت
اے وڈیں کردار شیتان ءَ کج انت
بلبل ءَ سهتے زھیری نال اِتگ
باگپانی گوں گلستان ءَ کج انت
تھترین انت جان ءِ بند بندءَ گشئے
اے وڈیں سارتی زمستانءَ کج انت
یوسف ءَ بی بی ذلیخہ دس جتگ
دربجنت یعقوب کنعان ءَ کج انت
مدتے بیت دمک ءُ در باڑائی اَنت
مدتے بیت یار دردانہ کج انت
تو وتی پیما رپٹ قاضی رپٹ
تئی دگے دینے مسلمانءَ کج اِنت
٭٭٭
Post a Comment