جیڑه ، ءُ آئی ءِ گیش ءُ گیواری | توکلی بلوچ

فوٹو : ریگزار

 

جیڑه ، ءُ آئی ءِ گیش ءُ گیواری

توکلی بلوچ

وهدے مردم ءَ یک جیڑه یے دیم ءَ کیت گڈا مردم آ جیڑه ءَ گیش و گیوار کنگ لوٹیت. تاکہ جیڑه هلاس ببیت.

مردم ءَ زندگی ءِ تہا باز جیڑه دیم ءَ کپیت. لہتیں جیڑه زوت هلاس بنت، لہتیں جیڑه وهد جننت، لہتیں جیڑه داهمی بنت ، لہتیں بس ساهتی... بلے همک جیڑه کہ تو  آئی ءَ یک جیڑهے  سرپد بئے گڈا الّم آئی هلاس کنگ لوٹئے. 

وهدے کجام اوں جیڑه ببیت اگاں تو آئی هلاس کنگ لوٹئے گڈا تئی آ جیڑهے هلاس کنگ ءِ واهشت الّم ببیت. واهشت ءَ ابید چیزے است کہ ترا الّمی انت پہ یک جیڑهے ءِ هلاس کنگ ءِ واست ءَ. آ اِش انت کہ تو بزان ئے کہ ترا جیڑهے است.

جیڑه سک باز انت. یکیں وهد ءَ باز جیڑه اوں بوت کن انت ءُ باز وهد ءَ کم جیڑه اوں بوت کن انت. جیڑه هلاس نبنت پرچہ کہ تو پابند ئے. تو اگاں ستر بے جیڑے تو آجو ئے  تو آجو نئے. تو وتارا وت آجو نکنئے چہ چاگرد ءَ، چہ سیادہیاں، چہ دوداں ءُ دگہ بازیں چیزاں.

ما دودی شادو ایں. ما وهدے ودی بئیں دود، سیادی، چاگرد ءُ دگہ باز مارا وتی زمزیلاں گٹّ ءَ دیاں. جیڑه الّمی انت پہ هما وشّی ءِ زانگ ءِ واست ءَ کہ یک جیڑهے ءِ هلاس کنگ ءَ پد رسیت. 

گڈا تو چوں زانت کنئے کہ ترا جیڑه است ؟ 

اے تئی سرا انت کہ تو بزان ئے جیڑهاں. اے مئے مستریں جیڑه انت کہ ما نزانیں کہ مارا جیڑهے است. یک جیڑهے ءِ گیش ءُ گیوار کنگ ءِ واست ءَ اے پتو الّمی انت کہ تو بزان ئے تو جیڑهے ءِ واهند ئے.

جیڑهے ءِ واهند بوهگ ءَ رند تو وتی همک روچی جند ءَ چہ جتا بئے. تو جاهے نا جاهے ساری ءِ وت نبئے.  هما جیڑه کہ تو آئی بابت ءَ سرپد نئے ترا باز تاوان دنت‌. ترا تئی اسل یا ساری ءِ کالب ءَ در کنگ ءِ جہد ءَ کنت...بلے تو سرپد نبئے. چیریں جیڑه ترا تو نکنت.

مئے کرّا بے شُمار اے وڈیں جیڑه است کہ اندیم انت...اگاں اندیم نینت گڈا ما وت آیاں پدّر کنگ نلوٹیں. ءُ اگاں آ جیڑهاں تو پہ زانت پدّر کنگ نلوٹئے گڈا اے جیڑہ ءِ نزانگ ءِ برابر ءَ اِنت. 

مردم ءَ دو چیز چہ پیشیگیں جند ءَ جتا کنت- وشّی یا گم. گم جیڑه یے. اگاں تو وتی پیشیگیں جند ءَ جتا بوان ببئے گڈا ترا سما بؤهگی انت ءُ هما وجہ(Cause) شُوهازگی انت. Cause مدام چہ Effect ءَ شُوهازگ بیت. ترا وتی هما وت شُوهازگی انت کہ 

جیڑه ءَ پیسر تو بوتگ ئے. ءُ پدا پیسر ءِ ءُ مرچیگیں "وت" ءِ میان ءَ تپاوت شُوهازگی انت.

٭٭٭