فوٹو : ریگزار
ریاستی زور ءِ بابت ءَ مارکسی لیکہ
توکلی بلوچ
ریاستی
زور ءِ اگاں ما گپّ ءَ بکن انت گڈا اے وتی عام پئم ءِ تہا اے ڈول انت کہ
اے ہما رائٹ انت وهدے کسے ءِ کِرّا بیت گڈا آ تابعداری ءِ واهشت ءُ لوٹ ءَ
کنت. اے دگے هچ چیز ءِ پابند نبیت. ہما جاه کہ آئی ماں دست ءِ چیر ءَ بیت آ
جاه ءَ آ درستاں چہ مستر بیت. آ وهدے اُکم دنت تہ ہمک مردم پابند انت کہ
ہما پئیم بکنت. اے چہ ڈنّی ءُ تہی ہمک زور ءَ آزاد انت.
مارکسی
لیکہ ءِ رِد ءَ ریاست یک چاگردے ءِ تہا یک تبکے ءِ مردمانی ماں دوئمی تبک
ءِ مردمانی سرا ہما (غلبہ) کہ است انت ، ہما غلبہ ءَ (ریپلکٹ) کنت. ریاست
ءِ زور پہ ہما تبک ءِ سِیّتانی حفاظت ءَ کارمرز بنت کہ آئی کِرّا چیز جوڈ
کنگ ءِ وسیلہ است انت. ریاستی زور تہنا ہما تبک ءِ مردمانی حفاظت ءِ واست
ءَ است انت. وهدے آ تبک هلاس بیت گڈا ریاست جتا بیت. اے پئیم ءَ ریاستی زور
ءِ بؤهگ نبؤهگ معنا نداریت.
بازیں
سوْب است انت کہ جدید دور ءَ ریاستی زور سک باز گیشتر بوتگ. جنگ ءِ نہ هتم
بوهوکیں هتره است انت. سِلاهانی جتاہیں تگ ءُ تاچے دگنیا ءَ بندات انت.
سرد جنگ ہمک نیمگ ءَ بؤهگ ءَ انت. اے دْرستیں سوْب ریاستی زور ءَ داہم
گیشتر ءُ مُهکم کنان انت. بلے چریشاں ابید اوں ریاستی زور ءِ سرا بازیں
پابندی است انت. انچو کہ مْیان استمانی کانود ءِ چم داہم ءَ ریاست ءِ تاگت
ءِ سرا سک انت. دگنیا ءِ تہا هکومتانی تاگت ءِ کم کنگ ءِ لوٹ اوں چست بؤان
انت. ہمک وڈیں تاگتانی کم کنگ ءِ لوٹ بؤهگ ءَ انت آ ریجنل ببنت یا فنکشنل.
یک لوٹے پہ فردی آجوئی ءُ آزادیِ انجمن ءِ واست ءَ چست بؤان انت.
"گؤستگیں
وهد ءَ ہرچ پئیم بوتگ بلے ، مرچیگیں وهد ءَ ریاستی زور اچ مستریں زوراں چہ
یکّے کہ آ مْیان استمانی دیمروی ءِ راه ءِ سرا چو تْرَبُزیں آرانڈ ءَ مِکّ
انت. ما اے گؤشت کت کن انت کہ دگنیا چہ مزنیں جنگاں بِگر داں مرچی وتارا
مْیان استمانی جیڑہانی تہا چہ ریاستی زور ءَ رکّینگ ءِ جہد ءَ انت. چرائی
یدگمانی ءَ چہ ، چرائی دژمنی ءَ چہ ، چرائی ردیں دعوی آں"
***
Post a Comment