پرسنالٹی چی یے؟ | توکلی بلوچ

فوٹو : ریگزار

 

پرسنالٹی چی یے؟

توکلی بلوچ

لبز پرسنالٹی چہ لاتینی زبان ءِ لبز "پرسنا" ءَ چہ دراتکگ کہ آ پہ گْوارچ (ماسک) ءِ واست ءَ کارمرز کنگ بوتگ ءُ اداکاراں وتی اپیرنس ءِ بدل کنگ ءِ واست ءَ کارمرز کتگ۔

مرچی باندا لبز پرسنالٹی مئے ہبرانی تہا سک باز کارمرز بیت بلے پہ سوشل ساہیکالوجسٹ ءُ سُوشالوجسٹاں پرسنالٹی ءِ تصور چہ لس مہلوک ءِ تصور ءَ جتا انت۔

پہ سُوشل ساہیکالوجسٹ ءُ سُوشالوجسٹاں ، پرسنالٹی یک مردمے ءِ تہنا ڈنی دنیا ءِ فیزیکل خصوصیات نئینت بلکیں پرسنالٹی مردمے ءِ سُوچ ، خصوصیات، روِش، ایٹیٹیوڑ ، هیال ءُ آدتانی یکجاہی انت . پرسنالٹی یکجا زندگی کنگ ءِ تہا یکے دوہمی ءَ گوں گند ءُ نند ءُ هبر کنگ ءَ چہ درکیت۔  اے سُوشلاہیزیشن ءِ آسار انت۔

پرسنالٹی ءِ بزانت:

پرسنالٹی ءِ لہتیں بزانت چو اے وڈ انت:

1:" پرسنالٹی مردمے ءِ سنٹیمنٹس، ایٹیٹیوڈ، هیال، آدت، ہنر ءُ روِشانی مچّی ءَ گشنت" (اوگبرن ءُ نمکف)

2: " پرسنالٹی مردمے ءِ مشاہده کتگیں ءُ مشاہده بؤوکیں خصوصیاتانی سرجمیں مچّی یے" (جے.ایف کیوبر)

3:" یک مردمے ءِ آدت ، ایٹیٹیوڈ ءُ خصوصیاتانی ترز کہ آ مردم ءِ یک چاگردے ءِ تہا نندگ ءُ زندگی کنگ ءِ پیسلہ ءَ کنت" ( آلپورٹ)

پرسنالٹی ءِ تہر:

پرسنالٹی ءِ سئے مزنیں تہر انت:

1: اکسٹرو ورٹ پرسنالٹی

2: انٹرو ورٹ پرسنالٹی

3: امبیورٹ پرسنالٹی

1: اکسٹرو ورٹ پرسنالٹی:

اے ہما مردم انت کہ سک باز سُوشلاہیز انت۔ اے پۂیم ایں مردم گوں دگہ مردماں یکجا زندگی گْوازینگ وش بیت۔ آ یکجاہی دوست دار انت۔ انچو کہ گلوکار ، دگنیا ءَ ترّگ ءِ شوک داروک ءُ دگہ۔

2: انٹرو ورٹ پرسنالٹی:

اے اکسٹرو ورٹ ءِ چپّ انت. اے ڈولیں مردم گیشتر وتی هیالی دگنیا ءَ زندگ انت۔ اے گیشتر وتی کوٹیانی تہا چہ ڈنی دگنیا ءَ گستا بنت. انچو کہ اُستاد ، ساہنسدان ، فلاسفر ءُ دگہ۔

انٹرو ورٹ گوں وتی جند ءَ بندوک انت۔۔۔۔۔

اکسٹرو ورٹ چہ وتا ڈنّ گوں دگنیا ءَ بندوک انت۔

3:امبیورٹ پرسنالٹی:

باز زانتکار ہمے جیڑیت کہ برزے دو ایں پرسنالٹی آں ابید دگہ اوں یک پرسنالٹی ءِ است کہ آئی ءَ امبیورٹ پرسنالٹی گشنت۔  اے ڈول ایں مردم دو ایں پرسنالٹی آں دوست دار انت۔ برے برے آ گوں ڈنی دگنیا ءَ زندگی 

گوازینگ دوست دار انت ءُ برے برے تہنا بوهگ اے پۂیم ایں مردماں وش بیت۔ اے نیام ءِ مردم گشگ بنت۔ 

***