 |
| قاسم فراز | فوٹو : ریگزار |
دستونک
قاسم فرازؔ
زِر کہ وہدے دَمک ءَ پادان ءَ گوزیت
تیوگیں شپ جند ءِ دیوا نءَ گوزیت
راہ ءَ کنڈءُُ بیٹ بنت جنجال بنت
زند نہ اِنت نودے کہ شنزانءَ گوزیت
ہورک بنت جامانی پُرکیفیں بدن
ساہتے دریا چہ دیوان ءَ گوزیت
واب بیت جنگل بہ بیت کہ موسمے
آ منا چو مار ءَ پیچان ءَ گوزیت
کئے بزانت گواتءَ را زہرینتگ کئےءَ
دپ کپیت ہر چیز پروشانءَ گوزیت
تو ستر قاسمؔ سرءَ سِنگءَ بجن
کیسگ ءِ یکّیں اے چار آنءَ گوزیت
***
Post a Comment