 |
| میر عمر میر | فوٹو : ریگزار |
دستونک
میر عمر میر
نئیکہ درچکاں تاکءُُ بَر پِر نئے نہالاں ساہگے
من نہ دیستگ پہ وتا سالانی سالاں ساہگے
روچءَ بِل دیوال چاریت کوہاں بِل کہ سُرمگ اَنت
بیا وتی شاہاں اَڑینتگ اے چِنالاں ساہگے
ما شپانی پاسپاں شپ آگہیں وابانی بُن
مانگیشان اِنت مدامی مئے ھیالاں ساہگے
اَنچو ماراں من دَنیگہ دَمکے ءَ پشکپتگاں
اَنچو سر کنت تئی ودارءِ پمّا حالاں ساہگے
ہررو شَہمے کنت اَمانت ماہ ءُُ استالاں منی
بانُزلاں مِگراز کنت ہررو من بالاں ساہگے
دل وتا رَنگانی نیمون ءِ بہارگاہ ءَ رَجیت
چَمّاں یک شَمہے کماہاں لُنٹاں مالاں ساہگے
میرؔ مُشکول اِنت زمانگ گوں وتی نادانیءَ
باندا زاناں زندمان ءِ دَنت مثالاں ساہگے
٭٭٭
Post a Comment