بلوچی شعری دیوانانی تہا وش گٹی ءِ رواج نہ بوہگءِ ھسابءَ اِنت۔ہاں البتہ علی عیسیٰ، عابد آسکانی، ظفر کریم، اے آرداد،غین نون گلء ُ ایندگہ شاعراں اے درچءَ جوانی ءَ وتی بہر ہوار کرتگ۔
شعری دیوانانی تہاوش گٹی ءَ گوں شعرءِ وانگ گوشداروکءَ سک باز تاہیر دنت ء ُ آئی ءَ را شعرء ُ شاعری یا لبزانکءَ گوں ہمگرنچ کنت۔
بلوچی ءِ ورنائیں شاعرواجہ ساجد نورکہ آئی ءِ شاعری عام فہم ء ُ ساچستی ء ُ زیمری کیلوہاں سرریچ اِنت ء ُ مئے ہمروچی ایں زندءَ گوں ہمگرنچیں لبزء ُ جیڑہاں وتی شعری ساچست ءِ دروشم ءَ کاریت۔ مروچی آئی ءِ جند ءِ وش گٹی ءَ گوں ونتگیں یک شعرے مارادست کپت ء ُ ماایشیءَ واجہ ءِ رضا ءَ چہ ”ریگزار“ءِ چاروک، گوشداروک ء ُ وانوکاں ندر کنگائیں۔
وش گٹی ءَ گوں شعر ءِ وانگ ءَ چہ شعرءِ اندرءِ چاڑ تئی دیما پدر بیت ء ُ شعرءِ تہ ءِ دردء ُ وشی، گم ء ُ اندوہ گوں یک زیمرے ءِ صورت ءَ گوش داروک ءِ جذبگانی جہگیری ءَ کنت۔
#ریگزار
#ساجدنور
........................................................................................................
(MAZINDAGI GWAZENT CHON (Dastoonk
Poet : SAJID NOOR
Voice : SAJID NOOR
Post a Comment