 |
| عکس منت : Pexels |
دیمیتری کورساکوت گراں واب اَت...........ناتاشاآئی ءِ شر رنگیں دوار وتی لوگ واجہءِ تہتے کِرّا نشتہ ھیرانا آئی ءَ چار گایت ءُُ شومیں ءُ ترسناکیں ھیالانی دریاءَ بُک ورگا یت۔
اناگا ناتاشاپچؔ لرزت وتی چپ چاگرد ءَ چارتءِے چم ءِے پہ یک اسپیتیں چیزے ءَ کہ میزءِ سرا ترپگایت کپت۔وتی لرزوکیں دست ءِے دراج کت ءُُ اسپیتیں درپءِے دست جت۔پدا بیم ناکیں پکرانی تہا ایر شت ءُُ بے اختیار ءَ میزاں وتی لنٹانی چیرا گوشت ءِے۔
آہ!آمنی دیما یک کُنٹے ءِ ڈولا کپتگ!چے بکناں؟.......چہ پیما کت کنت کہ دہ سال گوں اے کپتگیں مردا زندگی بکناں۔طبیب ءَ گوشتگ کہ منی لوگ واجہ دیمتیری گوں ہمے نہ سُرگءِ ھالا دہ سال ہم زندگ پشت کپیت!.................
آہ!چہ ڈولا دہ سال اے نادرا ہیں مرد ءَ تیمارداری بکناں؟
چہ ڈولا وتی جوانی ءُُ شررنگی ءَ اے پیمیں نیم مردگیں مرد ءِ کشا بہ ہلّیناں؟!
ناتاشا یک ساہتے بے توار بیت ءُُ یک برا پدا چم ءِے پہ اسپیتیں وتر پکناکیں درپ ءَ کپت ءُُ پکر ءُُ اندیشہ ءِ دریا ءِ تہا ایر شت ءُُ وتی دلا چو گوشت ءِے۔
اے بے حرکتیں ءُُ کنٹیں مرد ءَ چہ زندگی ءَ چے تام کٹّیت؟چے عدلءُُ انصاف اجازت ندنت کہ من ھمءُُ آھم وتا چہ اے بدبحتی ءَ نہ منا چہ آئی ءَ چک ھست ءُُ نہ آئی ءِ زندگ بیگ پہ منی ءُُ آئی ءَ زحمت نہ بیچارگی ءَ پہ مادگہ ھچ چیز اڈنہ کنت گڈا بہتر ایشنت کہ ھمت بکناں ءُُ کارے بکناں......بلے من دید ور ءِ پکر ءَ بہ باں!!جنینءِ نازرکیں ءُُ نرمیں بدن لرزِت ءُُ چم ءِے ترپتنت ءُُ اسپیتیں ھیران ءَ چارت ءِے پدا وتی لنٹا نی چیراگوشت ءِے۔ بلے پہ من شر تر یں کہ وتی مرد ءِ ناکو ءِ چک دیدو رءَ دوست بداراں ماسکو ءِ تہاآئی ءَ وتی وانگ تمام کت و کورٹ ءِ وکیل بیت ءُُ ھمودا نشت۔اولی برءِ گند گا من پہ آئی ءَ گنوک بیتاں۔
دیدور گوں وتی جوانی ءُُ بالاد ءُُ تندرستی ءَ منا دوست داریت........من اے بیقرار ی عاشق باز رنج داتگ یک برے ھم گوں آئی ءَ نزیک نہ بیتگاں۔من وتی مرد ءِ وفاداری ءِ پہتہ ئیں ارادہ کتگت کہ آئی ءِ ناما پولنگ نہ کناں ءُُ وتی ھیا ءِ سرا ہبرے نیاراں۔
راستی منی لوگ واجہ ءَ منا پر ستش ءِ انداز ہ ءَ دوست داشت ءُُ ھچ چیز چہ من دیر نداشت ءِے۔من ھچ بر آئی ءِ رفتار ءُُ عاد تاچے گلہءُُ شکایت نداشتہ آروچان کہ آصیح ءُُ سلامت اَت ہجبر من آئی ءِ خیانت نکت۔لیکن مروچی..........آئی ءَ وتی دیما بے ھالیں جسمے گندگیں،ءُُ گندگاین کہ زندگانی چہ من تچیت ءُُ منا پہ اے زمینا پیر ی ءُُ فراموشی ءِ قبر ءَ دور دنت۔
وتی ھلاس کنائینگا پہ ارادہے کت نہ کناں!......ناتا شا وتی محبوبیں دید ور ءِ یا دءَ کپت ءُُ دردناکیں آہے کشت ءِے ءُُ پدا ھم وتی دلا چو گوشت ءِے۔
دیدور یک ساہتے ءَ رند ادا کیت ءُُ بزانت کہ من چہ کار ءِے کتگ!......چہ ڈولا من گوں آئی ءَ دیم پدیم بہ باں؟.......آئی ءَ درستیں کار کتگنت ءُُ چیزے زرھم طبیب ءَ داتگ ءِے،ضرور آ وتی لبز ءَ تمام کنت.....ھر طبیب مرگ ءِ کاگد ءَ بے جست پرس ءَ دنت۔!!
ہر قدر زیت ترمن اے کار ءَ بکناں۔
ناتا شا ءِ درستیں اعضا درہگا لگتنت ءُُ دنتاناں ئی توار ئی اشکنگ بہ بیت۔آئی ءَ پدا ھم چو گوشت۔من ہمے وہد ءَ کہ وتی مرد ءِ گورائیں گوں وتی معشوق دید ور ءَ ھم وش گوازینت کناں...... لیکن نہ.......نہ.......من لوٹاں ظاہر ءَ مردمان ئی دیما آئی ءَ دوست بداران.......
من لوٹاں دیدور تہنا منی بہ بیت من آئی ءِ بہ باں!.......اگر من وتی مرد ءَ دیمیتیری ءَ مہ کُشاں ءُُ دیدور ءَ مہ گراں چو ن بیت کہ لہتے روچانی گوزگا رند آ گوں دگر جنکی ءَ سیر بہ کنت ہر چہ زیت تر من اے کار ءَ تمام بکناں ھما وہدا وتی ہوش برجاہ کت ءُُ اسپیتیں درپ ئی چہ میز ءِ سرا چست کتءُُ روک روکارزرد رنگیں زہرءِ زرّات کہ ھیران ءِ توکا تر پگا اِتنت چار تنت ءِے۔ناتا شا ءَ ہمے حالا کہ درپ ئی دستایت، میزاں چہ جاہا پاداتک، سر ءَ تاپاد ءَ لرز گایت نادراہ ءِ نزیکا آتک۔لیکن ھمے وہدءَ آئی ءِ مرد کمکے سُرِت ءُُ سیروکیں بچکندگے آئی ءِ لنٹانی سرایت میزاں گوشت ئی۔
منی دوستیں ناتا شا تو کجا ئے؟ بیا منی کشابہ نند ءُُ یک دمانے منا ھلاس مہ کن!ائے منی آسمان ءِ فرشتہ چہ پیما تئی شگرا بگراں ءُُ تئی قدر ءَ بکناں؟!نزاناں چہ ڈولا مہربانیں ھدایا تئی پیمیں فرشتہ ے جِنّےءِ شکل ءَ منا بخشتگ۔شکر گذاراں!آ وہدی ناتا شا ءِ نرمیں ءُُ نازرکیں دست ئی وتی دست ءَ گپت چِکِّت ءُُ گریوگا لَگّت۔
ناتا شا ءَ ھیران ءَ چارِت ءُُ دو سِہ گام پشت ءَ کِنزِت،ءُُ محسوس کتءِے کہ مرد ءِ ارس تیزیں چنگالے ءِ پیما آئی ءِ سینہ ءََ تل کنگا ینت۔بلے ہر ڈولا وتی ہوش ئی برابر داشت و گوشتی،
چے پیالہ ءِ لیمبو ءِ آب نورے؟یک پیالہے ضرور بہ ور۔ہما وہدی درپ کمک نزیک تر کت ئی مرد ءَ وتی چم پچ کتنت ءُُ پریاتے کت ئی،تو فرشتہ ئیءِ، زانئے من چہ قدرترا دوستداراں؟ناتاشا.......ناتاشا.....چے سیر ءِ شپ ترا یادیں آشیر کنیں شپ ترا یادیں..........ترا خدا ءِ قسمیں یک ساہتے وتی چماں چپت بکن ءُُ ھمے ھیالاں دلا بیار۔پرچیا کہ شیر کن تریں ءُُ دلا نند و کن تریں چیز زندگی ءِ ھمے یا دنت ءُُ یادگار نت۔زیت کن منی ڈولا وتی چماں چپت کن تاکہ گوستگیں روچ سنیما ءِ پڑدہ ءِ ڈولا تئی دیما چے بہ گوز نت۔
دیمیتری ھمے ھالا کہ ناتا شا ءِ دست ئی گپتگت وتی چم ئی بستنت ناتا شا ءَ ھم وتی چم چُپت کتنت گوستگیں روچانی منظر آئی ءِ دیما چے یک پہ یک ءَ گوستنت آئی ءَ وتا گوں مرد ءَ سیر گاہاں و سیراں ءُُ کلیساءِ ملا ءِ دیما ءُُ آخر وتی سیر ءِ لوگ ءِ تہا دیت ءُُ آئی ءِ دِل چہ افسوس ءَ ھون بہ بیت!!لیکن رند چہ دمانے ءَ گوشت ئی۔
محبت بہ ور ضرور بہ ور۔مرد ءَ درپ چہ ناتا شا ءِ دست ءَ زُرت ءُُ نا امیدی چمے آئی ءِ سرا دور دات و گوشت ئی۔
چیزے تو منا دئیے وراں تُری زہرے بہ بیت۔
مردءَ اِے ہبر گوں وتی سادگی ءَ ءُُ بے معلومی ءَ زبان ءِ سرا آورت بلے ناتاشا ءِ دل چہ اِے ہبر ءِ اشکنگا کپت۔ بلے اشی ءَ باوجود گوشت ئی.........چے نہ ور ے؟.........
مردءَ سر چست کت ءُُ میزان گوشت ئی.......کمکے بدار من یک دمانے پیسرا پیالہ یے شیر وارتگءُُ دگر چیزے وارت نکناں،دیمیتری ءَ پہ پریاتءُُ زاری اے ہبر کتنت
گوشئے زانت ءِے کہ منی مرگ ھمے ھیران ء ِ توکا چیراِنت۔
ناتاشا سر ءَ تا پاد ءَ درہگا لگتءُُ آئی ءَ رحم آتک یک گامے دیما شُت۔ءُُ ھیران دروازگ ءِ نیمگا چارگایت۔ھما ساہتا یک برا ناتا شا ءَ دیدورءِ پادانی برمش اشکت!چم ئی یک عجبیں شکلے ءَ ترپتنت۔بجائے اشی ءَ کہ ھمت بکنت نادرائیں مرد ءِ نیمگا بروت۔دروازگ ءِ نیمگا شتءُُ چہ توکا کُبل ئی کت۔آوتی لوگ ءِ توکاپدا تَرّت ءُُ درد ناکیں آہے کشت اِتے ءُُ زہر ءِ ھیران ئی دپا کت تاکہ آئی ءِ آخر ی پٹ و ارت ءِے!ہمے پیما پشومانیں جنین ءَ وتی زندگی ختم کُت۔
***
دلگوش: اے روسی ندکار میکسم گورکی ءِیک آزمانکے کہ بلوچی زبان ءِ نمیرانیں پٹ ء ُ پولکار ءُ زبان زانت ھدا مرزی واجہ ع،ص، امیری ءَ رجانک کرتگ کہ ما چہ واجہ رحیم مہر ءُ عزت اکیڈمی پنجگورءِ منتءَ شنگ اِش کنگا ئیں۔ ریگزار ٹیم
Post a Comment