دردآں آشنا بکاں گون کس ءَ گلہ مکن
گون منا کہ گُون بئے ہچ گپ دل ءَ مکن
یا وتا بُکش بے مِر یا بُکش دل ءِ غماں
دژمنی کن ئے گڈاں دستاں بے سِلاہ مکن
گوات ءِ نیت ءَ بچار ،راہ بہ کپ گوں موسماں
اے چراگاں واھگ ءِ ، دستے ءِ دل ءَ مکن
مرچی تُرکّ ءُ نُک بُو گَٹّ پاچ لنککاں
بِلّے گون وتا مِڑیت ، پاد جاھل ءَ مکن
پرچا گون کپتگ ءِ راھگوزی گوں مردماں
پرچا کُشتگ یے ترا جست قاتل ءَ مکن
ساجد ءَ برو بُگش حج ءُ زیارتی مبو
دل تئی درامد اِنت ہینچو لَا اِلہ مکن
Post a Comment