بلک سنجی، دشت کیچ ءِ دمگ ”جت“ ءِ جھامندے بوتگ۔آ یک شوانگے بوتگ کہ آئی ءِ کار ء ُ کسب شونگی بوتگ بلئے آئی ءِ دؤرءَ بلوچی زیمر ءِ گیشتریں بہر زالبولانی دستءَ بوتگ۔اگاں کہ آئی ءِ تیوگیں دلگوشی گوں گشندہی یا پہلوانی ءَ نبوتگ بلئے گشنت کہ آئی ءِ تہا پہلوانی ءِ توامیں صفت بوتگاں پمشکہ آئی ءَ وتی گوس پندانی پاسپانی ءَ ہوار وتی وہد گوازی ءَ شیئر الہان کرتگ ء ُ پہلوانی کرتگ، داں ہما وہدءَ کہ گوسپندانی چرگ ء ُ واتری ءِ وہد بوتگ۔
بلک سنجی ءَ اگاں پہلوانی ء ُ شیئر گشی وتی کسب ء ُ کار جوڑ نہ کرت بلے اے یک ھدائی دادے ات کہ آئی ءَ را رستگ ات۔ ہلک ءِ سورء ُ آروس بوتگ اِتاں، یا چوگان ء ُ بُرّکی ء ُ یا زہگانی ودی بوہگ ءِ صفت، آئی ءَ را ہلک ءِ ہمک وشی ءِ دیواناں ہوار کنگ بوت ء ُ آئی ءَ وتی وش الہانی ءَ وتی ازم مہلوک ءِ دیما پیش کرتگ ء ُ نازینک،گیدی سوت ء ُ ایندگہ گیدی ء ُ راجدپتری کسہ ء ُ شعر دپگال کرتگ اِتاں ء ُ مہلوکءَ را وشنود کرتگ ات۔
مارا آئی ءِ چندے توار دست کپتگ کہ بلوچ راج دپتر ء ُ بلوچ راج ءِ مڈی اَنت ما آہاں ”ریگزار“ ءِ پلیٹ فارم ءِ سرا پہ اے نیت ءَ شنگ کنگا ئیں کہ بلوچ راج دپتر ءِ تاکاں ہوار بہ بنت ء ُ آئی ءِ کردءَ آؤکیں اوبادگ بزان اَنت کہ بلوچ ءِ زالبول اصل ءَ ازمکار ء ُ رشنا فکریں مردم بوتگا ں کہ نوں استانی مذہبی فکرءَ اے درست زوال کرتگاں۔
گشنت کہ 2014 یا 2015ءَ آئی ءَ وفات کرتگ۔
Post a Comment