" دستونک "
ھچ دگہ مال ءُ متاہ سر پہ سر ءَ زرت نہ کت
یکیں تئی ترانگ ءِ ترانگ چہ دل ءَ برت نہ کت
ھؤ بگندِئے منی شپ گوں تو بہ گْوستیناں پہ تب،
کسہ ءِ آرگ ءِ رھبند کہ من دربرت نہ کت
چیر ءُ سر بوتگاں دائم گوں وتا چے بہ کناں
من گوں امروز ءَ وتا زیرءُ زبر کرت نہ کت
لنش ءُ لیگار منی ھوڈ ءُ نہ پلگاریں دل اَت
من دوا اے دل ءِ رئیٹائی ءِ گوکرت نہ کت
کئے من ءَ دْروھیت ءُ کئے پشت کپیت راست ءُ رداں
تئی وپاھانی گناھگار ءَ چشیں چرت نہ کت
کازی من سُتکگ ءُ پر بوتگاں دردانی چر ءَ
سد بر ءَ مرتگاں بے موت ءَ بلے مرت نہ کت
٭٭٭
Post a Comment